உண்மையில் இது ஒரு நற்செய்தியே !அனைவரும் பயன்படுத்தும் குறுந்தகவல் பயன்பாடான வாட்ஸ் அப்பில் இதுவரை முதல் ஒரு வருடத்திற்கு மட்டும் இலவசமாகவும் அதன் பின்0.99$-யை வருடாந்திர கட்டணமாக செலுத்த வேண்டும் என்ற கட்டாயத்தினை வித்திருந்தது. தற்போது அந்த தடையை உடைக்கும் வண்ணம் அதன் வருடாந்திர கட்டணத்தை இன்றிலிருந்து நீக்கியுள்ளது.பில்லியன் பயனர்களை கொண்ட வாட்ஸ் அப்பை விலைக்கு வாங்கிய பேஸ்புக் தற்போது வணிக மாதிரிகளுக்கு ஏற்ற வேறு வழிவகைகளை செய்யத் தயாராகி வருகிறது. அதாவது இனி வாட்ஸ் அப்பை ஒரு B2C கம்யூனிகேசனுக்கு பயன்படுத்தவுள்ளனர். B2C நிறுவனங்கள் என்பது நேரடியாக ஒரு நிறுவனம் மற்றும் வாடிக்கையாளர்களிடையே நடத்தப் பெரும் பரிமாற்றங்களே!
வாட்ஸ் அப்பை இலவசமாக பயன்படுத்த முடியுமா ? அப்படியானால் பல விளம்பரங்களை காண வேண்டியிருக்குமோ என்றால் கண்டிப்பாக இல்லை. ஏனெனில் இதற்குமுன் யூ-டியூப் விளம்பரமில்லா மாதாந்திர கட்டண முறை அல்லது வீடியோக்களை விளம்பரத்துடன் இலவசமாக காணும் முறையை அறிமுகபடுத்தியிருந்தது. ஆனால் வாட்ஸ் அப் இதுபோன்ற சலுகைகளை வழங்காமல் பயனர்களை ஒரு வணிகதளத்திற்கு கூட்டிச் செல்ல விரும்புகிறது. எதிர்காலத்தில் வாடிக்கையாளர்களை சென்றடையும் அனைத்து விதமான வியாபார நுணுக்கங்களும் வாட்ஸ் அப்பின் வழியே அமைத்து தரப்படும் என எதிர்பார்க்கபடுகிறது.உதாரணமாக B2C கம்யூனிகேசன் மூலம் மக்கள் ஒரு இரயில் டிக்கெட்டுகளையோ அல்லது விமான டிக்ககெட்டுகளையோ , பேருந்தின் டிக்கெட்டுகளையோ முன்பதிவு செய்து கொள்ளளவும் இருக்கைகளின் நிலையையும் மற்ற தொழிநுட்பம் சார்ந்த கேள்விகளுக்கு பதில் கூறும் ஒரு வாணிகதளமாக அமைய வாய்ப்புகள் அதிகம் உள்ளது. விவசாயம், ஆடை தானியங்கி டிரக்குகள் மற்றும் ட்ரைலர்கள்,மின் உபகரணங்கள் விற்பனை, கணினி வன்பொருள் மற்றும் மென்பொருள், குளியல் மற்றும் சமையலறை பொருத்திகள் , நுகர்வோர் எலெக்ட்ரானிக்ஸ் ஏஜென்சி சேவைகள், ஃபேஷன், கருவிகள், வீட்டு உபகரணங்கள், உடல்நலம் மற்றும் மருத்துவம் போக்குவரத்து போன்ற அனைத்து தளங்களுக்கிடையேயான ஒரு கம்யூனிகேசனை வழங்கவுள்ளது. தற்போது இந்த சோதனைகளை முன்னோட்டம் பார்த்து வருகிறது. இதனால் தகவல்தொழில் நுட்பம் சார்ந்த அனைத்து வித சந்தேகங்கள் மற்றும் பரிமாற்றங்கள் ,பரிவர்த்தனைகளை போன்றவற்றை வாட்ஸ் அப்பிலேயே பெற வாய்ப்புள்ளது.
