Latest Technology, Science & IT Industry News in Tamil

அமேசானே இந்தியாவில் அதிகம் பயன்படுத்தப்படும் மின்னணு வாணிபத் தளம்:

0 9

நடந்து  கொண்டிருக்கும் மின்னணு வாணிக பந்தயத்தில் அமேசானே இந்தியாவில் அதிகம் பயன்படுத்தபடும் வலைத்தளம் என கம்ஸ்கோர்  ஆராய்ச்சி கூறுகிறது. கம்ஸ்கோர் என்பது  உலகின் மிகப் பெரிய நிறுவனங்களுக்கிடேயான   தகவல்களை  பகுப்பாய்வு செய்து அதனைப்   பற்றிய பல மார்க்கெட்டிங் தரவுகளை வழங்கும் அமெரிக்க இணைய பகுப்பாய்வு நிறுவனமாகும். காம்ஸ்கோரின் தகவலின்படி  அமேசான்   20கோடி பயனர்களையும் பிலிப்கார்ட் 16.4கோடி பயனர்களையும் மற்றும்  ஸ்நாப் டீல் 10.9 கோடி பயனர்களையும் கொண்டுள்ளது.இந்த தரவுகளைக் கொண்டே  அமேசான் தான் அதிகமாக பயனர்களால் பயன்படுத்தப்பட்ட வலைத்தளம் என்பது உறுதி  செய்யப்பட்டுள்ளது. அதில் அக்டோபர் மாதத்தினை மட்டுமே கணக்கில் கொள்ளாமல் இந்த வருடம் முழுவதுமான  தரவுகளை பார்க்கும்போதும் அதிலும் அமேசானே அதிக பயனர்களைக் கொண்டுள்ளது  தெரிய வருகிறது.

images

             நவம்பர் 2014-லிருந்து அக்டோபர் 2015 வரையிலான  அறிக்கையின்படி பிளிப்கார்ட்
அக்டோபர் 2014 -இல் 14 கோடி பார்வையாளர்களை  கடந்து முன்னணியில் இருந்தது தற்போது   16.3கோடி பார்வையாளர்களைப்  பெற்றுள்ளது. மேலும்  கடந்த வருடம் 9 கோடி பயனர்களைப் பெற்ற  ஸ்நாப்டீல் இந்த வருடம் 11கோடியைப்  பெற்றுள்ளது.
images
          இதில் ஆச்சரியத்திர்க்குறிய  விஷயம்  என்னவென்றால்  அமேசானை  மொபைல் தளத்தில் மட்டுமே  70சதவிகிதம் பயனர்கள் அணுகியுள்ளனர். 30சதவிகிதத்தினர்  கணினித் திரையில் அணுகியுள்ளனர். மற்ற வாணிக தளத்தினை   ஒப்பிடுகையில்    அமேசானில் கணினி  தளத்தில் அணுகியவர்களின் எண்ணிக்கையே அதிகம் ஏனெனில் மற்ற வாணிகதளமான பிலிப்கார்ட்டில் மாதத்திற்கு  26.9 மில்லியன் பார்வையாளர்களை கொண்டிருந்தபோதிலும் அமேசானில் 30மில்லியன் மாத பயனர்களை கொண்டுள்ளது .மேலும் அமேசானில்   விற்பனையாளர்களின்  எண்ணிக்கையும் உயர்ந்துள்ளது.      பாஸ்டன் கன்சல்டிங் குரூப்பின் ஒரு சமீபத்திய அறிக்கையின்படி, இந்தியாவில்  மின்னணு தொழில்நுட்பம் $17 பில்லியன் இருந்து 2019- இல் $60-70 பில்லியன் தொடும் என தெரிவித்துள்ளது. கடந்த மாதம் பண்டிகைகளின் வரத்தால் அதிகமாக பயனர்கள் மின்னணு வலைதளத்தினை அணுகியிருந்தும் அமேசானின் இந்த அதிவேக வளர்ச்சிக்கும் ஒரு காரணமே! 

Related Posts

You might also like

Leave A Reply