Black Berry நிறுவனமே விற்பனைக்கு வந்துள்ளது!!!

536

 1,982 total views

ஏழு மாதங்களுக்கு முன்னர் நான் எழுதிய “மூடு விழா காணும் தறுவாயில் பிரபல IT நிறுவனங்கள்” எனும் பதிவில் Black Berry தான் முதலிடத்தில் இருந்தது.


பெரும் தொழில் போட்டியை ஈடு செய்ய இயலாமல் Motorola நிறுவனம் Googleக்கு கைமாறியது நினைவிருக்கலாம். இதே வரிசையில் iPhone, Andoird மற்றும் Windows Phone போட்டியால் Blackberry நிறுவனம் அதிகாரப்பூர்வமாக தமது நிறுவனம் பிற நிறுவனங்களுடன் பங்காளியாகவோ அல்லது பிற நிறுவனத் தலைமையின் கீழ் செயல்பட விருப்பம் தெரிவித்துள்ளது.

தொழிலதிபர்கள் பலரும் Black Berry கைபேசி வைத்திருப்பதை ஒரு சமூக அந்தஸ்தாகக் கருதிய காலம் உண்டு. நான் அம்பானியாகப் போறேன்னு கிளம்பிய பலரும் இந்தக் கைபேசி வாங்குவதை முதல் செயல் திட்டமாக வைத்திருந்தார்கள்.

எந்த நேரத்தில் Apple, Android வந்ததோ அப்போது இதன் புகழ் மங்கியது. புதிதாக வந்த Windows Phone கூட  கடந்த மார்ச் 2013இல் Black berryயை விட அதிக கைப்பேசியை விற்பனை செய்துள்ளது.

இப்போது எந்த நிறுவனங்களால் Black Berryயை வாங்க முடியும் எனப் பார்ப்போம்.

Microsoft தனக்கான ஒரு வன்பொருள் உற்பத்தி தொழிற்சாலையை இன்னும் முழுவீச்சில் ஆரம்பிக்கவில்லை. ஒருவேளை BBயை வாங்கினாலும் அவர்களின் கைபேசி வன்பொருள் Windows Phone Operating Systemஐ இயக்க முடிவது சாத்தியம் இல்லை.

Samsung வாங்க வாய்ப்புகள் மிக மிகக் குறைவு. ஆனால் வாங்கினால் எதிர்காலத்தில் அதற்கு மிகவும் உதவும். Google Android கைபேசி விற்பனை தான் Samsungஇன் வருமானம். ஆனால் Google தனக்கே சொந்தமாக Motorola வன்பொருள் தொழிற்சாலை வைத்துள்ளதால் Samsungர்க்கு போட்டியாக Google அதிக கைபேசிகளை விற்பனை செய்யும். ஆதலால் ஏற்கனவே Androidக்கு மாற்றாக குறைந்த விலை கைபேசிகளில் இயங்கும் வகையில் Tizen என்கிற ஒரு கைபேசி இயக்கு தளத்தை Samsung உருவாக்குகிறது. புதிதாக இப்படி ஒரு மென் பொருளை உருவாக்கி சந்தைப் படுத்துவதைத் விட்டுவிட்டு BB இல் ஏற்கனவே நன்றாக இயங்கும் இயக்கு தளத்தை பயன்படுத்தலாம்.

இவை தவிர Lenovo, Huawei & ZTE போன்ற புதிய கைபேசி நிறுவனங்கள் வாங்கலாம்.

யாருமே முழுமையாக வாங்கவில்லை என்றாலும் Black Berry தன்னிடம் உள்ள காப்புரிமைகளை தனித் தனியாக உடைத்து பிற பெரிய நிறுவனங்களுக்கு விற்பனை செய்ய வாய்ப்பிருக்கிறது.

ஒன்று மட்டும் உறுதி., சந்தைக்கு வந்த அப்றோம் உடனே விலை போக வேண்டும். காலம் செல்லச் செல்ல கேட்கப்படும் விலை குறையும் அதே போல் வாடிக்கையாளர்களும் ஓடிவிடுவார்கள்.

You might also like

Comments are closed.